Sealy Shelmore dýna 160×200

Sealy Shelmore er hágæða heilsudýna sem sameinar glæsilega hönnun, háþróaða tækni og einstök þægindi fyrir þá sem vilja vakna fersk og úthvíld. Dýnan er klædd áklæði úr hágæða bómull með Feran Ice tækni sem andar einstaklega vel, kælir svefnsvæðið og hjálpar til við að halda líkamshita lægri alla nóttina. Þar sem of hár líkamshiti er ein helsta orsök slæms svefns stuðlar þessi tækni að dýpri og betri hvíld.

Shelmore er millistíf gormadýna með einstaklega þægilegri áfastri yfirdýnu sem aðlagast líkamanum vel og veitir notalega mýkt án þess að fórna stuðningi. Sealy hefur lagt mikla vinnu í þróun gormakerfa sinna og í Shelmore eru 18 cm háir pokagormar í sjö svæðaskiptu gormakerfi. Gormarnir eru misstífir og misþykkir eftir staðsetningu í dýnunni, sem tryggir markvissan og jafnan stuðning þar sem hans er mest þörf.

Dýnan dregur einnig verulega úr hreyfingum milli rekkjunauta, þannig að svefninn verður rólegri og ótruflaðri. Nokkur mismunandi svamplög, ásamt lagi af minnissvampi, mótast þægilega að líkamanum og veita slökun og aukin þægindi alla nóttina.

Steyptir hliðarkantar auka stöðugleika, gefa meira nýtanlegt svefnsvæði og stuðla að lengri endingu dýnunnar. Sealy Shelmore er hágæða heilsudýna fyrir þau sem leggja áherslu á góða hvíld, réttan stuðning og betri svefn, nótt eftir nótt.