Persónuverndarstefna

Eftirfarandi persónuverndarstefna gildir um allar þær persónuupplýsingar sem GER verslanir ehf. gæti safnað um notendur heimasíðu Dorma eða í gegnum önnur stafræn samskipti. Fyrirtækið hefur persónuvernd og öryggi þeirra gagna sem því er treyst fyrir í fyrirrúmi. Í stefnunni kemur fram hvaða persónuupplýsingum er safnað, í hvaða tilgangi og hvernig er farið með þau gögn.

GER verslanir ehf. (kt. 461212-1230) er ábyrgðaraðili þeirra persónupplýsinga sem fyrirtækinu er treyst fyrir. Fyrirspurnir varðandi meðferð persónuupplýsinga má senda á [email protected].

Persónuupplýsingar eru þær persónugreindu eða persónugreinanlegu upplýsingar um hinn skráða, þ.e. upplýsingar sem beint eða óbeint má rekja til tiltekins einstaklings, samkvæmt skilgreiningu persónuverndarlaga. Gögn sem eru ópersónugreinanleg teljast ekki persónuupplýsingar.

Persónuverndarstefna GER verslana ehf. er samkvæmt gildandi lögum um persónuvernd og meðferð persónuupplýsinga; sjá nánar hér.

Dorma leggur sig fram við að takmarka vinnslu persónuupplýsinga og að safna ekki óþörfum upplýsingum um viðskiptavini sína.

 

HVERNIG SAFNAR DORMA UPPLÝSINGUM UM ÞIG?

Þegar þú leggur inn pöntun, skráir þig á póstlista eða hefur samband við Dorma gefur þú upp ákveðnar persónuupplýsingar. Við notkun vefsíðunnar geta einnig safnast upplýsingar um heimsókn þína. 

      • Upplýsingar sem þú gefur upp: Við kaup geta .etta verið nafn, kennitala, heimilisfang, netfang og upplýsingar sem tengjast greiðslu, eftir því hvað er nauðsynlegt til að afgreiða pöntunina. GER verslanir ehf. geymir engar greiðslukortaupplýsingar og fær einungis upplýsingar um hvort greiðsla hafi gengið í gegn eða ekki. Við skráningu á póstlista gefur þú upp netfang og aðrar upplýsingar sem þú velur að skrá.
      • Upplýsingar sem safnast við notkun vefsíðunnar: Þetta getur verið upplýsingar um heimsóknir, áætlaða landfræðilega staðsetningu, tæki, skjástærð, stýrikerfi, vafra, tungumálastillingu, vafrastillingar og IP-tölu. Hvaða upplýsingar safnast fer eftir því hvaða þjónustur eru í notkun og hvort þú hefur samþykkt söfnunina þegar samþykkis er krafist.

    Án ofangreindra upplýsinga getur Dorma ekki uppfyllt kröfur viðskiptavina um viðskipti og þjónustu.

     

    HVAÐA AÐFERÐIR ERU NOTAÐAR TIL AÐ SAFNA UPPLÝSINGUM?

    GER verslanir ehf. notast við vefmælingar frá Google Analytics. Sú þjónusta skráir ýmis atriði um heimsóknir á vef Dorma og má þar helst nefna dagsetning heimsókna og viðvera, gerð tækis sem heimasíðan er heimsótt úr, tegund vafra og tegund stýrikerfis.

    GER verslanir ehf. notast við tölvupóstþjónstu Klaviyo. Sú þjónusta skráir viss atriði um notendur sem þeir gefa upp við nýskráningu eða þegar lögð er inn pöntun. Má þar helst nefna nafn, netfang, dagsetning heimsóknar, innihald körfu, fjölda pantanna, gerð tækis sem heimasíðan er heimsótt úr, tegund vafra og tegund stýrikerfis.

    Ger verslanir ehf. notar vafrakökur (e. cookies). Nánari upplýsingar um notkun þeirra og val þitt er að finna í vafrakökustefnu Dorma. 

     

    RÉTTINDIN ÞÍN

    Einstaklingar hafa fullan rétt á og geta óskað eftir að GER verslanir ehf. veiti honum upplýsingar um þær persónuupplýsingar sem fyrirtækið býr yfir og um vinnslu og meðferð þeirra gagna.

    Einstaklingar hafa rétt á því í ákveðnum tilfellum að persónuupplýsingar um hann séu leiðréttar eða þeim eytt, t.a.m. ef upplýsingarnar eru ekki lengur nauðsynlegar í þágu þess tilgangs sem þeirra var upphaflega safnað.

    Vilji einstaklingar ekki láta eyða upplýsingum sínum, t.d. vegna þess að hann þarf á þeim að halda til að verjast kröfu, en vill samt sem áður að þær séu ekki unnar frekar af hálfu fyrirtækisins getur hann óskað eftir því að vinnsla þeirra verði takmörkuð.

    Sé vinnsla á persónuupplýsingum einstaklings byggð á lögmætum hagsmunum fyrirtækisins á hann einnig rétt á að mótmæla þeirri vinnslu.

    Framangreind réttindi einstaklingsins eru þó ekki fortakslaus. Þannig kunna lög að skylda fyrirtækið til að hafna ósk um eyðingu eða aðgang að gögnum. Þá getur fyrirtækið hafnað beiðni hans vegna réttinda fyrirtækisins, s.s. á grundvelli hugverkaréttar, eða réttinda annarra aðila, s.s. til friðhelgi einkalífs, telji fyrirtækið þau réttindi vega þyngra. Réttindi þín til að mótmæla vinnslu í markaðssetningar tilgangi er þó skilyrðislaus.

    Einstaklingi verður tilkynnt og gefin skýring ef töf verður á afgreiðslu eða ef ekki er unnt að verða við beiðninni að fullu eigi síðar en mánuði frá móttöku hennar. Einstaklingur getur kvartað til Persónuverndar (www.personuvernd.is) ef GER verslanir ehf. neitar að afhenda honum ákveðnar upplýsingar eða ef einstaklingur er ósáttur við vinnslu GER verslana ehf. á persónuupplýsingum.

    Ef upp koma aðstæður þar sem að fyrirtækið getur ekki orðið við beiðni einstaklings mun fyrirtækið leitast við að útskýra hvers vegna beiðninni hefur verið hafnað, þó með tilliti til takmarkana á grundvelli lagaskyldu.