Dorma koddi 50×70 medium firm

______________________
Góð ráð við umhirðu sænga og kodda:
Þegar farið er fram úr rúminu gæti ögn af svita/raka enn legið í sænginni og koddanum. Látið því lofta vel um áður en notað er rúmteppi (þegar við á).
Gott er að snúa sænginni reglulega við, frá tám að herðum og hrista hana létt að miðju.
Ekki nota ryksugu eða banka harkalega (eins og mottu). Hvorki sæng né kodda en gott er að hrista hvoru tveggja létt undir berum himni annað slagið (í þurru veðri) og leggja út á snúru (eða hvað sem tiltækt er) í einhverja stund.
Athugið að þvo aldrei fleiri en eina (einbreiða) sæng / tvo kodda í sömu vél (ef um venjulega heimilisstærð af þvottavél ræðir) og ekki í vél sem tekur undir 7 kg. Tvöföld sæng passar ekki í venjulega vél. Ef hægt er að velja þvottaprógramm sem hefur mildan snúning og vindu en mikið vatn er það ákjósanlegt.
Ef um bletti er að ræða er gott að nudda áklæðið með svampi áður en sængin / koddinn fer í þvottavél.
Veljið rétt þvottaefni, án ensíma, fyrir sængur og kodda og athugið að sumt þvottaefni getur skemmt dún. Notið aldrei mýkingarefni.
Notið þurrkara til að þurrka sængur og kodda. Hitastig þurrkarans má þó ekki fara yfir 60°c, betra er þá að nota minni hita og lengri tíma (gæti farið í allt að 3-5 klukkustundir).
Setjið kodda og sængur strax í þurrkara eftir þvott og helst með nokkrum tennisboltum því þeir hleypa lofti inn í sængina.
Passið sérstaklega vel að þurrka dúnkodda og -sængur algerlega, þ.e. taka allan raka úr í þurrkaranum.
______________________