Mega tungusófi hægri West dökkgrár

Sérlega kósí tungusófi í slitgóðu West áklæði sem fæst í nokkrum gráum tónum. Sumar gerðir Mega sófanna fást nú einnig í ljósara Full Mito áklæði. Tungusófinn fæst í hægri eða vinstri útgáfu (sjá vörumynd. Tunga og horn Mega sófanna eru ekki færanleg). Í baki Mega sófanna er fjöldi lausra púða sem veitir þér enn meiri þægindi.

Mega sófarnir hafa verið vinsælir í Dorma!

Sófarnir fást í ýmsum útfærslum og í þremur gráum tónum af West áklæði en nú einnig ljósari í Full Mito áklæði, en bæði áklæðin eru mjúk og endingargóð. Um er að ræða hornsófa, u-sófa (báðar gerðirnar fást í tveimur stærðum) og hefðbundinn tungusófa. Athugið að allir Mega sófarnir fást í vinstri og hægri útgáfu (sjá á vörunöfn og -myndir), tungur og horn eru því ekki færanleg sem þýðir að einungis er hægt að setja þá saman á einn hátt.

Tungur Mega sófanna eru breiðari en á mörgum u- og tungusófum og í baki þeirra er fjöldi púða í tveimur stærðum; 50×50 og 60×60 cm. Saman gerir þetta sófann einstaklega notalegan. Hann er því einnig sérlega rúmgóður og hefur oft verið nefndur „fjölskyldusófinn“ þar sem hann nær að faðma alla fjölskylduna.

Fyrir aukin þægindi má fá aukahluti við sófann en það er fátt þægilegra en að geta hallað sér aftur og lagt höfuðið á hnakkapúða. Einnig fást skammel sem smellpassa við sófana og eru himnasending undir þreytta fætur.